Shkup, 1 shkurt – Maqedonia është zgjuar me temperatura të ulëta mëngjesin e sotëm, me temperaturë më të ftohtë në Berovë -4 gradë, ndërsa më e ngrohta në Vinicë dhe Krushevë me 3 gradë Celsius. Dëborë ka vetëm në zonat më të larta malore, me shtresë prej 32 centimetrave në Kodër të Diellit dhe 15 centimetra në Mavrovë.
Moti sot në vend do të jetë me diell dhe relativisht i ngrohtë me vranësira të lehta deri në mesatare lokale, e cila pasdite do të rritet. Do të fryjë erë e dobët kryesisht veriore. Paradite në disa lugina do të ketë mjegull. Temperaturat minimale do të lëvizin në interval prej -3 deri në 6 gradë, ndërsa maksimalja do të arrijë nga 9 deri në 17 gradë.
Në Shkup në mëngjes do të ketë mjegull, gjatë ditës me diell me vranësira të lehta deri në mesatare më të mëdha se në orët e pasdites. Do të fryjë erë e lehtë e ndryshueshme.
Temperatura minimale do të zbresë deri në 3 gradë, ndërsa ajo maksimale do të arrijë deri në 15 gradë.
