Shkup, 3 shkurt – Prokurori shtetëror, Lupço Kocevski thotë se nuk është dorëzuar asnjë propozim për amnisti të Nikolla Gruevskit, në lidhje me akuzat në rastin “Organizatorët e 27 prillit”.
“Kjo lëndë me Nikolla Gruevskin nuk vijon nuk ka asnjë lidhje dhe Nikolla Gruevski nuk ka dorëzuar asnjë propozim për amnisti eventuale”, tha Kocevski për “TV21”.
Kocevski ka folur edhe për rastin e fundit “Vardari”, gjatë bastisjeve të të cilit janë gjetur shuma të mëdha parash.
Siç thotë ai, këtu dhe jashtë saj janë gjetur makina për shtypjen e parave.
“Është një aksion ndërkombëtar që ishte vërtet shumë i suksesshëm. Pothuajse të gjitha provat u siguruan, u gjet një makineri për shtypjen e parave, si këtu dhe jashtë vendit. Ky është një veprim i mundimshëm, një vazhdim afatgjatë dhe kjo ka të bëjë me falsifikimin e monedhave në Kosovë”, thotë Kocevski.
