Shkup, 5 shkurt – Ivon Veliçkovski thotë se bota serbe ka ndikim të fortë në Maqedoninë e Veriut dhe shpjegoi se në çfarë i mbështet mendimet e tij.
“Organet shtetërore dhe partitë politike shmangin krijimin e politikave në interes të qytetarëve të Maqedonisë, si dhe të pjesëtarëve të të gjitha grupeve etnike, por edhe atyre që janë pjesëtarë të njerëzve që nuk janë të shënuar në Kushtetutë. Interesat e Maqedonisë së Veriut po sabotohen nga elitat politike të maqedonasve dhe nga elitat politike të udhëhequra kryesisht nga LSDM dhe OBRM-PDUKM.
Historianët e afërt me Vuçiqin duan të vazhdojnë tezat mbi jugosllavizmin, në kuadrin e një sistemi federal. Secili nga kombet që doli nga RSFJ ka mundësinë që të ndërtojë politikat e tyre bazuar në interesat e veta. Por politika serbe ka nevojë për ndërhyrjen e vazhdueshme të atij Beogradi jugosllav dhe dëshiron të ruajë ndikimin politik, ekonomik dhe të sigurisë në disa vende, duke përfshirë Maqedoninë, Bosnjën dhe Hercegovinën, Malin e Zi dhe Kosovën,” tha Veliçkovski në “DailyClick”.
“Fjalimi i Dodikut demonstroi unitetin partiak mes OBRM-PDUKM-së dhe LSDM-së. Asgjë tjetër nuk mund të pritej nga Dodik, ashtu siç nuk mund të pritej asgjë tjetër nga Portfirij, nga qeveria e OBRM-PDUKM, nga organizatori Ivan Stoiljkoviç, dhe asgjë tjetër nga politikanët maqedonas të ulur në atë sallë dhe kur u dërgohen mesazhe. Praktika e zgjerimit të funksionimit normal të botës serbe është krijuar, prandaj këtu u soll Dodik. Gjatë festës së Shën Savës u demonstrua se kush e ka skenën politike dhe kush i kontrollon marrëdhëniet e KOM-it në Shkup”, tha Veliçkovski.
