Shkup, 10 shkurt – Ministri i Shëndetësisë, Arben Taravari dhe njëri nga liderët e VLEN-it i cili është pjesë e koalicionit qeveritar, në komentin për akuzat e BDI-së se përfaqësimi i shqiptarëve në pozita të larta nëpër institucione është në rënie, tha se kritika e vazhdueshme është pjesë e punës së kësaj partie opozitare.
“BDI-ja është opozitë dhe kjo është punë e tyre – të kritikoj pa ndërprerë”, tha Taravari në pyetjen e gazetarëve pas lëshimit në përdorim të stacionit të re të kompresorit në klinikën kirurgjike.
I pyetur sa i përket ligjit për përfaqësim të drejtë, deri ku ka arritur përgatitja e të njëjtës, Taravari deklaroi se sa më shpejtë do të dalin me propozim ligj, por pa precizuar saktëë se kur do të ndodhë.
“Unë mendoj se ligji është në fund, shpresoj se sa më shpejtë do të dalim me kryeministrin dhe të gjitha partitë e koalicionit të informojmë se ligji duhet ta fillojë procedurën në Parlament”, tha Taravari.
Kryeministri Mickoski në konferencën për mediat në fund të janarit të këtij viti, theksoi se po punohet në hartimin e ligjit për përfaqësim të drejtë, por se ende nuk është vendosur nëse do të jetë zgjidhje e re ligjore apo nëse do të rregullohet në kuadër të zgjidhjeve ekzistuese ligjore.
“Pasi ta mbarojmë tekstin, nëse është ligj i ri, apo nëse ai ligj i ri bënë thirrje në ndonjë ligj tjetër, do të bëhet publike dhe do t’i dërgohet Komisionit të Venecias për mendim. Që të mos na ndodhin implante të tilla pastaj të mbeten tema politike, sepse është e qartë se disa parti politike të cilat me implante të tilla mashtrojnë qytetarët për 22 vjet, të mundë t’i rrisin llogaritë e tyre personale, të rrisin pronën dhe pasurinë e tyre, po e kthejnë këtë temë si praktike në politike”, tha kryeministri Mickoski.
