Shkup, 17 shkurt – Ministri për Çështje Evropiane ka uruar Kosovën për Ditën e Pavarësisë.
“Dita e Pavarësisë – 17 shkurti, për qytetarët e Kosovës dhe për të gjithë shqiptarët, është dita e kurorëzimit të lirisë, njëherësh edhe data kur shteti më i ri në Europë, shndriti si një yll në flamurin e madh të Europës. Në ditëlindjen e saj të 17-të, urojmë që Republika e Kosovës edhe më tej të vazhdojë rrugëtimin e saj euroatlantik! Ne si Qeveri e Maqedonisë e Veriut, një vend kandidat për anëtarësim në familjen e madhe të Bashkimit Europian, kemi qenë dhe do të jemi pranë Qeverisë së Kosovës, në çdo hap të rrugëtimit të saj, të përqafimit të vlerave europiane”, ka shkruar ministri Murtezani.
