Në Tiranë, u çel programi i acelerimit nga Plug & Play në Shqipëri, një mundësi e re për talentet shqiptare, që ofron trajnime, mentorime dhe 8 bootcamps intensiv përgjatë 8 muajve për të përshpejtuar rritjen e startup-eve tona më premtuese.
9 startup-e shqiptare që kanë aplikuar janë përzgjedhur nga Plug & Play për të nisur këtë rrugëtim, dhe pas përfundimit të programit, do të kenë akses ekskluziv në GOAL Program në Silicon Valley.
Ministrja e Shtetit për Sipërmarrjen dhe Klimën e Biznesit, Delina Ibrahimaj siguroi se qeveria do t’i mbështesë këto startup-e në çdo hap.
“Jemi krenarë për talentet tona që po e çojnë Shqipërinë në një nivel të ri në skenën globale të inovacionit dhe do t’i mbështesim në çdo hap të kësaj rruge”, tha ajo.
