Policia e Kosovës, njofton se sot ka arrestuar një person të dyshuar për falsifikim parash. Personi i dyshuar u arrestua vetëm pak minuta pasi policia ka pranuar informatën se i njëjti ka tentuar të kryente një pagesë me para të falsifikuara.
“Në momentin e arrestimit personi i dyshuar ishte në një taksi (pasagjer), ku dhe ka tentuar të fshehë paratë e falsifikuara ( rreth 3000 euro që ishin kartmonedha 200 prej eurosh), të cilat janë gjetë dhe sekuestruar nga ana e policisë”, thuhet në njoftimin e PK-së.
Bëhet e ditur se hetimet rreth rastit kanë nisur, ndërkohë që personi i dyshuar është dërguar në mbajtje.
