Shkup, 27 mars – Kryetari i Kuvendit, Afrim Gashi ka njoftuar se është takuar me Ambasadorin jorezident të Kirgistanit, Ruslan Kazakbaev.
“Kisha kënaqësinë të zhvilloj një takim me Ambasadorin jorezident të Kirgistanit, z. Ruslan Kazakbaev, me të cilin theksuam rëndësinë e thellimit të marrëdhënieve tona bilaterale. Diskutuam për mundësitë e krijimit të grupeve parlamentare të miqësisë për të forcuar bashkëpunimin parlamentar. Shqyrtuam mundësitë për zhvillimin e lidhjeve në sektorë të ndryshëm, si ekonomia, kultura, turizmi dhe investimet, duke vënë theksin tek rëndësia e shkëmbimit të përvojave mes dy vendeve. Shprehëm gatishmëri reciproke për të inicuar bashkëpunime konkrete, që do të intensifikonin marrëdhënieve tona në çdo sferë”, ka deklaruar kryeparlamentari Gashi.
