Kryeministri Edi Rama nuk e konsideron program elektoral, por program qeverisës të mandatit të tyre të katërt që presin ta marrin sërish në zgjedhjet e 11 Majit.
Duke prezantuar këtë program për çdo sektor, kryesocialisti u ndal edhe tek mjekësia.
Rama foli për pagat e mjekëve dhe infermierëve, duke theksuar se janë rritur nga viti 2013 kur morën detyrën për herë të parë.
Megjithatë, Edi Rama tha se deri në vitin 2030, pagat e mjekëve do të prekin nivelin 2000 Euro.
“Në Shqipërinë 2030 ne duam që paga e mjekëve të shkojë të prekë tavanin e 2000 Eurove.
Paga e infermierëve, edhe ajo 280 Euro në 2013. 850 Euro sot. Mos harrojmë në të gjitha këto paga ka një ndryshim të madh, sepse nuk kanë të gjitha pagat nën 1000 Euro, nuk kanë barrë që kishin. Po urgjenca mjekësore? Figuronin 100 autoambulanca, pjesa dërrmuese faktikisht kishte vite pa lëvizur, ndryshkur, një rrotë dalë anash, një rrotë mbi çati. Gjatë kësaj periudhe kemi krijuar një flotë me 320 ambulanca të reja totalisht, të mirëpajisura, por kemi ngritur edhe një Urgjencë Kombëtare shembullore duke shkurtuar kohën e mbërritur në jo më shumë se 15 minuta dhe gjithë thirrjet përfundojnë menjëherë në veshin e urgjencës dhe çdo thirrje është e regjistruar”.
