Ekipi i mirëmbajtjes së parqeve në Prishtinë ka vazhduar punën e tij në orët e hershme të mëngjesit, me qëllim që të mbajë parkun e Germisë të pastër dhe të bukur.
Pavarësisht festave këta profesionistë janë angazhuar me zell për të siguruar që ky vend i domosdoshëm për qytetarët e kryeqytetit të mbetet i pastër.
Kryetari i Prishtinës, Perparim Rama, ka falënderuar ekipin e mirëmbajtjes dhe ka shprehur mirënjohjen e tij për punën e palodhshme të Behram Konushevcit, Nezir Volit, Behar Arifit dhe Ruzhdi Gashit nga NPL „Gjelbër” sh.a.
“Gjatë këtyre pushimeve festive, ekipi ynë i mirëmbajtjes së parqeve është aktiv në orët e hershme të mëngjesit, duke punuar me zell për ta mbajtur Germinë të pastër dhe të bukur. Faleminderit për përkushtimin tuaj të gjithë ekipes dhe Behram Konushevcit, Nezir Volit, Behar Arifit e Ruzhdi Gashit nga NPL „Gjelbër” sh.aë” ka shkruar Rama në një postim në rrjetet sociale.
