Shkup, 31 mars – Drejtoria e ZZHTI sipas Raportit për zbatimin e integritetit të përgatitur nga Komisioni Shtetëror për Parandalimin e Korrupsionit, është renditur në vendin e 15-të nga gjithsej 50 institucione, me 61,1 për qind të respektimit të sistemit të integritetit.
Monitorimi përfshiu 72 institucione të qeverisjes qendrore, 72 njësi të qeverisjes vendore dhe 16 institucione të sektorit të drejtësisë. Rezultati i arritur paraqet një rritje të ndjeshme nga niveli “mesatar” në nivelin “i mirë”, krahasuar me vitin 2023, kur shkalla e zënies ishte 39.2 për qind.
“E gjithë kjo për shkak të aktiviteteve të shumta që janë ndërmarrë, si miratimi i: Udhëzimeve për parandalimin e konfliktit të interesit, udhëzimeve për trajtimin e dhuratave dhe mikpritjes, Kodit të etikës, rregullores për ndryshimin dhe plotësimin e rregullores për përdorimin dhe menaxhimin e automjeteve zyrtare, si dhe Udhëzimet për ndryshimin dhe plotësimeve e udhëzimeve për realizimin e udhëtimeve zyrtare. Gjithashtu janë mbajtur trajnime për parandalimin e korrupsionit dhe sistemin e integritetit.
Sipas Drejtorisë, integriteti është faktor kyç në ndërtimin e institucioneve të forta dhe fitimin e besimit te qytetarët.
“Sistemi për integritet, si mekanizëm strategjik për parandalimin e korrupsionit dhe promovimin e transparencës, siguron zbatimin e harmonizuar të ligjeve, kodeve të etikës dhe politikave, duke krijuar një kuadër të qartë dhe mekanizma funksionalë për zbatimin dhe mbrojtjen e tyre. Si institucion, Drejtoria vazhdon të punojë drejt përmirësimit dhe zbatimit gjithëpërfshirës të sistemit të integritetit. Ky rezultat është një konfirmim i përkushtimit për kryerjen ligjore, të pavarur, të paanshme, etike, të përgjegjshme dhe transparente të punës, ruajtjen e reputacionit dhe eliminimin e rreziqeve dhe dyshimeve për mundësinë e shfaqjes dhe zhvillimit të korrupsionit”, thekson Drejtoria.
