Shkup, 3 prill – Qeveria e Maqedonisë së Veriut ka reaguar pas vendimit të presidentit të SHBA-ve Donald Trump, i cili vendosi tarifa doganore për Maqedoninë e Veriut për 33 për qind. Nga Qeveria thonë se ky ka qenë vendim i pritshëm i administratës amerikane, i cili nuk është anashkaluar nga asnjë vend në botë – as Britania e Madhe, Kanadaja, Bashkimi Evropian dhe qindra vende të tjera.
Gjithashtu thonë se ekipet qeveritare kanë kohë që po analizojnë pasojat e mundshme dhe së bashku kemi përgatitur një plan për tejkalimin e situatës.
Ky vendim nuk do të ketë një ndikim të madh në ekonominë tonë, por ne kemi një plan të qartë për të ecur përpara. Kontaktet me administratën amerikane tashmë janë vendosur dhe do të vazhdojnë në nivel të lartë dhe Qeveria do të punojë për gjetjen e një zgjidhjeje dhe zbatimin e planit. Ajo që është e rëndësishme të përmendet është se nuk ka nevojë për asnjë panik, as për reagime dhe përfundime të nxituara. Kjo është diçka që është paralajmëruar prej kohësh nga kjo administratë dhe asnjë vend i vetëm nuk ka mbetur jashtë – madje as partnerët më të vjetër dhe më tradicionalë të Shteteve të Bashkuara”.
“Kjo është një përpjekje për të rinegociuar marrëdhëniet tregtare të botës – diçka që ishte e nevojshme dhe që, megjithëse tani një tronditje për disa, do të jetë një mundësi për të tjerët. Ne e dimë se kjo situatë është një mundësi për shumë njerëz që nuk ia dëshirojnë të mirën Qeverisë që të sulmojnë pa bazë dhe të përpiqen të dëmtojnë reputacionin tonë – qoftë për interesa personale, për qëllime partiake apo për frikacakë. Dhe disa për shkak të dilemave të justifikuara – dhe ne i kuptojmë plotësisht ato”, thonë nga Qeveria.
