E fejuara e Jeff Bezos po udhëton në hapësirë.
Lauren Sanchez, ish-gazetare, pilote dhe filantrope do të jetë pjesë e një prej misioneve më të veçanta të Blue Origin, kompania me mision hapësinor në pronësi të Bezos.
Ajo do të udhëtojë në hapësirë më 14 prill, me një ekuipazh krejtësisht gra, i përbërë nga figura të njohura prej fushave të ndryshme.
Këto figura përfshijnë Katy Perryn, Gayle King, Aisha Bowe, Amanda Nguyen dhe Kerianne Flynn.
Ky fluturim shënon një moment historik, pasi do të jetë misioni i parë hapësinor me një ekuipazh tërësisht gra, që nga viti 1963.
Fluturimi do të zgjasë rreth 11 minuta dhe udhëtimi do të bëhet me raketën e Blue Origin, New Shepard, në kuadër të misionit i cili quhet NS-31.
Misioni do të jetë suborbital, ku anija kozmike arrin në hapësirë, por nuk hyn në orbitë rreth Tokës.
Ky udhëtim vjen në një moment të veçantë për Lauren Sanchez, e cila është në kulmin e përgatitjeve për dasmën me Jeff Bezos.
Ata pritet të martohen këtë verë në Venecia, Itali.
