Shkup, 3 prill – “Sot, me nderim dhe respekt të veçantë, mirëpritëm në Shkup Presidentin e Republikës së Shqipërisë, Bajram Begaj. Një vizitë që shënon një hap tjetër të rëndësishëm në forcimin e marrëdhënieve tona fqinjësore e vëllazërore.
Në një atmosferë të ngrohtë e miqësore, së bashku me kryetarin e Kuvendit, Afrim Gashi, dhe zëvendëskryeministrin për qeverisje të mirë dhe transparencë, Arben Fetai, zhvilluam një takim thelbësor me Presidentin Begaj. Diskutuam për partneritetin tonë strategjik, për vizionin e përbashkët të dy vendeve në rajon dhe për domosdoshmërinë e bashkëpunimit të ngushtë në fusha kyçe.
E ardhmja jonë është e përbashkët! Shqipëria dhe Maqedonia e Veriut ecin krah për krah drejt integrimit evropian, duke ndarë të njëjtat sfida, por edhe të njëjtat aspirata. Bashkëpunimi institucional, lufta kundër korrupsionit, anëtarësimi i RMV-së në NATO dhe përpjekjet për të forcuar stabilitetin rajonal ishin në qendër të diskutimeve tona.
Ky takim nuk ishte thjesht një ngjarje diplomatike, por një mesazh i fortë për një bashkëpunim të ngushtë. Një dëshmi e vullnetit për të ndërtuar ura më të forta mes nesh dhe për të përballuar sfidat me unitet. Shqipëria dhe Maqedonia e Veriut nuk janë vetëm fqinjë, jemi aleatë, partnerë dhe kemi të njëjtin vizionin për një rajon më të zhvilluar e më të sigurt, dhe të integruar në familjen evropiane!” ka shkruar Mexhiti
Mexhiti takohet me Presidentin e Shqipërisë: Mirë se vjen, President!
