Drejtoresha për Ballkanin Perëndimor në Drejtorinë e Përgjithshme për Zgjerimin dhe Fqinjësinë Lindore në Komisionin Evropian, Valentina Superti deklaroi sot nga Tirana se “çështjet që kanë të bëjnë me sundimin e ligjit do të përcaktojnë dhe do të vazhdojnë të përcaktojnë rrugën drejt BE-së”.
Në fjalën e saj në takimin e dytë të nivelit të lartë të organizuar nga Kuvendi i Shqipërisë “Shqipëria 2030 në BE – Rruga e Reformave”, Superti tha se “misioni im dhe misioni jonë si një institucion është që të bëjmë një progres së bashku me Shqipërinë drejt BE-së”.
Sipas saj, qytetarët shqiptarë janë aktualisht duke e mbështetur fuqimisht këtë proces.
“Megjithëse këto konsiderata në mendje, ne bëjmë punën tonë të përditshme për t’ju pasur së bashku drejt BE-së”, tha Superti.
Për ta bërë këtë, vijoi Superti, ky është një ushtrim kompleks dhe sundimi i ligjit është tema që është në thelb të procesit të hyrjes në BE.
“Duke menduar për propozimet dhe duke punuar mbi këto iniciativa mbi sundimin e ligjit do të jetë e rëndësishme që të kemi parasysh që iniciativa e sundimit të ligjit duhet të vazhdojë që të përmbajë një sistem për kontrolle dhe balancat. Kjo është pika ime e dytë, e cila është gjithashtu e rëndësishme për t’u konsideruar që tashmë është arritur reforma në drejtësi dhe ka qenë një gur themeli në rrugën tuaj drejt BE-së”, nënvizoi Superti.
Superti u shpreh se “duhet të konsolidojmë dhe të ndërtojmë më tej dhe përtej reformës së drejtësisë, konsolidimin e sukseseve të saj, arritjeve të saj dhe në të njëjtën kohë të përmirësojmë kur është e nevojshme disa tema që u përmendën më parë këtu, si aksesi në sistemin e drejtësisë, sistemet efikase dhe efektive, zgjidhja e çështjeve gjyqësore”.
Superti vuri në dukje se “sundimi i ligjit është esenca për vendin tuaj për të ecur përpara dhe kjo është një temë që mund të duket shumë teknike, por është pjesa që ka të bëjë me piketat që janë vendosur”.
“Për mua është një mundësi perfekte që vetëm për një moment të festojmë të gjitha sukseset e shumta, të cilat kemi qenë në gjendje i kemi arritur me vendin tuaj ne si BE-në këto muajt e fundit. Kemi qenë në gjendje për të mbajtur dy konferenca ndërqeveritare, një në tetor dhe në dhjetor dhe këto konferenca ndërqeveritare i kanë hapur rrugën negociatave për hyrjen në BE që ka të bëjë me grup-kapitullin e parë, “Themelorët”, që është shumë e rëndësishme dhe në grup-kapitullin 6, Marrëdhëniet me Jashtë”, tha Superti.
Ajo tha se “një progres tjetër shumë i mirë është bërë mbi negociatat për grup-kapitujt e tjerë, 2 dhe 3 dhe një progres pritet edhe në këto grup-kapituj brenda 2025-s”.
