Shkup, 4 prill – Arsyeja kryesore pse Maqedonia e Veriut po përballet me tarifa më të larta nga SHBA-të, sipas VLEN-it nuk ka të bëjë vetëm me faktorë ekonomikë, por mbi të gjitha me prishjen e imazhit të shtetit në arenën ndërkombëtare.
!Kjo prishje e imazhit është rezultat i drejtpërdrejtë i keqqeverisjes dhe skandaleve të ish pushtetit, duke përfshirë edhe funksionarët e BDI-së, të cilët sot ndodhen në listën e zezë amerikane, që nuk janë të vetëm bashkë me ta janë edhe keqpërdërues nga kampi maqedonas. Këta faqezinjë që sot janë bashkë në listën e zezë amerikane i ka bashkuar korrupsioni në bashkëpunimin për shkatërrimin e vendit.
Amerika nuk i rrit tarifat pa arsye. Mesazhi i Uashingtonit është i qartë: korrupsioni dhe keqpërdorimi i pushtetit nuk mund të tolerohen më. Dhe kush janë ata që e kanë dëmtuar më shumë besimin e aleatëve perëndimorë në këtë shtet? Pikërisht ata që për dy dekada kanë keqpërdorur institucionet dhe sot fshihen pas retorikës boshe apo asaj me ancionalizëm pa sens.
Në vend që të pendohen për pasojat e veprimeve të tyre, ish funksionarët e BDI-së dhe të tjerët duhet t’i kërkojnë falje qytetarëve për dëmin e madh që i kanë shkaktuar.
Maqedonia e Veriut ka nevojë për politika të reja, për një qasje serioze ndaj ekonomisë dhe për të rindërtuar marrëdhëniet me partnerët ndërkombëtarë – jo për hipokrizi nga ata që e kanë shkatërruar këtë vend.
VLEN është shpresa e re, VLEN është besimi i rikthyer që ruan amanetin e qytetarëve. Me qeverisjen e dinjitetshme, të përgjegjshme, pa korrupsion, me transparencë të plotë, do të rikthejmë aleancat e rrënuar me BE-në dhe SHBA-të. Alternativë tjetër nuk kemi, për këtë po punojmë pa ndalë me nder e përgjegjësi të plotë”, thuhet në reagimin e VLEN-it.
