Shkup, 10 prill – Grupi punues i Këshillit Gjyqësor, Aleksanda Kambovski e ka dorëzuar raportin për rastin me Teodora Ristovskën, e cila është përplasur me veturë në kalimin për këmbësorë në Tetovë, ndërsa i pandehuri Mensur Pajaziti mori dy vite burg. Grupi punues, i përbërë nga tre anëtarë, është dashur ta shqyrtojë lëndën nga dita e parë kur akuza ka hyrë në gjykatë e deri të hënën kur filloi për herë të dytë dhe përfundoi në Gjykatën e Tetovës.
“Ka përfunduar puna e grupit punues, është dorëzuar informacion, megjithatë ende nuk kam pasur mundësi ta shoh atë informacion dhe menjëherë do të publikohet dhe lënda do të kthehet në gjykatë. Gjatë ditës presim të dalim me më shumë informacione”, delaroi sot Kambovski pas deklaratave solemne të disa kryetarëve të rinj të gjykatave.
Kambovski nuk deshi të komentojë informacionin për një gjobë për gjyqtarin e Gjykatës Penale, Pajazit Pajaziti.
“Nuk do të komentoja për këtë, nuk është një procedurë e përfunduar ligjërisht. Deri në këtë pikë nuk ka pasur asnjë ankesë”, tha ai.
Lidhur me tragjedinë në Koçan, Kambovski theksoi se është shumë herët për të diskutuar se çfarë do të ndodhë nëse gjyqi nuk mund të mbahet atje.
“Nëse gjyqi nuk mund të mbahet atje. Mendoj se është shumë herët për të folur për këtë. Çdo gjë në kohën e vet. Gjykimi është duke vazhduar. Jo, jo, Këshilli Gjyqësor nuk duhet të vendosë për këtë. Ne do të veprojmë në përputhje me ligjin”, tha Kambovski.
