Jennifer Lopez do të rikthehet në American Music Awards si prezantuese dhe si interpretuese për shfaqjen e këtij viti, i cili do të transmetohet drejtpërdrejt nga Las Vegas, të hënën, 26 maj, në CBS, dhe transmetim në Paramount+ në ShBA.
Kjo shënon herën e dytë që Lopez e prezanton ceremoninë, një rol që ajo mori për herë të parë në vitin 2015
“Jemi të emocionuar të presim sërish Jennifer Lopez në American Music Awards”, tha Jay Penske, CEO, Dick Clark Productions, në një deklaratë.
“Talenti i jashtëzakonshëm dhe prania e pakrahasueshme e Jennifer-it në skenë e bëjnë atë mikpritësen ideale të shfaqjes. E dimë se ajo do të sjellë energjinë e saj unike në festën zyrtare të fillimit të verës”.
Lopez ka fituar tre çmime në këtë kompeticion si: ‘artistja e preferuar e pop/rokut’ në vitin 2003 dhe ‘artistja e preferuar latine’ në 2007 dhe 2011.
Ky do të jetë transmetimi i parë i rregullt i American Music Awards në dy vjet e gjysmë, që nga shfaqja në nëntor 2022 që u drejtua nga komediani Wayne Brady.
Ky do të jetë gjithashtu i pari AMA i rregullt i transmetuar në CBS.
AMA u transmetuan në ABC nga 1974 deri në 2022.
