SZA u përball me një moment të vështirë në natën hapëse të turneut të saj botëror “Grand National” me Kendrick Lama.
Ajo gjatë një performance në Minneapolis, gati u rrëzua në skenë bashkë me kërcimtarin e saj.
Videoja e incidentit u shpërnda gjerësisht në rrjete sociale, ku reagimet e fansave ishin të përziera.
Disa u treguan kritikë, duke komentuar me ton negativ për peshën e saj, ndërsa të tjerë e mbrojtën, duke vlerësuar profesionalizmin dhe faktin që ajo nuk u lëndua.
“Internet është vendi më xheloz dhe i keq”, shkroi një fanse, ndërsa një tjetër shtoi: “Skena thjesht nuk ishte gati për kaq shumë fuqi.”
SZA nuk ka komentuar ende për incidentin, ndërkohë që turneu do të vazhdojë në qytete të ndryshme të Amerikës së Veriut deri më 18 qershor, përpara se të zhvendoset në Evropë.
