Pasi kurseu për 10 vjet për të blerë veturën e tij të ëndrrave, një Ferrari 458 Spider krejt të ri, një japonezi iu desh të ulej dhe ta shikonte atë të digjej.
Mediat japoneze kanë qenë të mbushura me historinë e trishtuar të Honkon, një producent i ri muzikor, i cili shpenzoi për veturën e tij sportive Ferrari të ëndrrave, vetëm për ta parë atë të digjej në flakë ditën që e drejtoi për herë të parë.
Fillimisht ai mendoi se tymi vinte nga vetura pranë tij, por ndërsa automjeti u tërhoq, u bë e qartë se tymi dilte nga Ferrari.
Kështu që Honkon sapo u tërhoq, doli nga automjeti dhe thirri zjarrfikësit, përcjell Telegrafi.
Ai kaloi 20 minutat e ardhshme duke parë ëndrrën e tij të digjej pothuajse plotësisht.
“Unë mendoj se jam i vetmi person në Japoni që kam përjetuar probleme të tilla”, tha Honkon.
Departamenti i Policisë Metropolitane të Tokios njoftoi se nuk kishte asnjë shenjë përplasjeje në Ferrarin e Honkon, por një hetim është ende duke u zhvilluar.
Dyshohet se zjarri ka rënë në motorin e automjetit, por arsyeja mbetet e panjohur.
