Shkup, 15 maj – Kuvendi sot në konferencën “Transformimi i së ardhmes: Strategjia digjitale për parlament bashkëkohor” do të prezantojë dy vegla të reja digjitale, prashaj.sobranie.mk dhe kancelarii.sobranie.mk. Vegla e aprë ka për qëllim ta bëjë punën e Kuvendit më të kapshme, më transparente dhe më të afërt për qytetarët. Ajo ka transkript automatik, asistent me inteligjencë artificiale (IA) që kupton dhe komunikon në gjuhën maqedonase, ndërsa për dy muaj do të komunikojë edhe në gjuhët e tjera, dhe dukshëm e pakëson kohën që të arrihet drejt një informate për mbledhjet e Kuvendit. Vegla e dytë është për caktim elektronik të takimit me ndonjë deputet në zyret e deputetëve në mbarë vendin.
Siç informoi kryetari i Kuvendit, Afrim Gashi në takimin e sotëm me gazetarë, vegla e parë është fituese në ngjarjen Hakaton, organizuar vitin e kaluar nga Kuvendi në periudhën prej 30 tetorit deri më 1 nëntor në bashkëpunim me Ambasadën zvicerane.
“Ajo ishte ngjarje nga e cila ne pritëm të gjejmë zgjidhje dogjitale për problemet që i ka Kuvendi. Në atë ngjarje zgjodhëm dy softuerë të cilët vendosëm t’i realizojmë dhe t’i zhvillojmë në ueb-platforma të cilët u zhvilluan para dy javësh. Ofruam kohë që Kuvendi t’i implementojë dhe sot më hollësisht do t’i prezantojmë në konferencë”, tha Gashi.
Përpiluesi i platformës së parë, David Petkovski nga Brejnster nekst kolexh tha se inspirimi i tyre për ta bërë veglën ishte që popullata më e re nuk i ndjekë transmetimet e mbëedhjeve të Kuvendit për shkak të kohëzgjatjes së tyre me orë.
“Nëse dikush dëshiron të marrë vesh ndonjë informatë duhet të ndjekë video prej dy apo tre orëve që nuk është reale për pritje se atë do ta bëjë ndonjë qytetar. Informatat duhet të jenë të kapshme, por ato ishin të fshehura në format të gjatë i cili kërkon shumë kohë dhe shumë durim. Zgjidhja jonë e zgjidhë atë në mënyrë të shpejtë dhe efikase me atë që shfraytëzuesi e merr linkun jutjub nga transmetimi i mbledhjes së Kuvendit dhe ia jep veglës sonë me ç’rast ajo përpunohet, në mënyrë që në fund shfrytëzuesit t’i servohet asistent IA të cilin do të mudn ta pyesë për çfarëdo qoftë lidhur me mbledhjen si çështje nëse ndonjë ligj është votuar në mbledhje, nëse është biseduar për ndonjë temë të caktuar, çfarë ka thënë ndonjë deputet,…”, sqaroi Petkovski.
Theksoi se me këtë vegël Kuvendi do të ketë mënyrë të re komunikimi me opinionin i cili është i hapur, modern dhe adaptues për nevojat e sotme.
Nada Dimitrievska nga Qendra për menaxhim me ndryshime, pjesë e organizatave partnere të cilat punojnë në Programin për mbështetje parlamentare pjesë e të cilit është edhe mbështetja e Zyreve për kontakt me qytetarët që ndodhen nëpër tërë vendin e prezantoi veglën e dytë.
