Ningbo, 23 maj – Në ditën e dytë të Panairit të katërt të Kinës me vendet nga Evropa Qendrore dhe Lindore, në sallën e kongreseve sot mbahet Forumi i prefektëve, ku marrin pjesë përfaqësues të vetëqeverisjeve lokale nga vendet e Evropës Qendrore dhe Lindore, ish-kryeministra dhe anëtarë të tjerë të delegacioneve.
Në forum merr pjesë kryetarja e Këshillit të Komunës së Kumanovës, Ivana Gjitgjievska, e cila do të flasë në panelin kushtuar Mbrojtjes së trashëgimisë kulturore dhe promovimit të këmbimit të përvojave.
Gjorgjievska për MIA-n deklaroi se prania në këtë forum është me rëndësi të jashtëzakonshme, si dhe se do ta bartë përvojën nga këtu dhe se është i mundshëm bashkëpunimi dhe tregtia. “Bashkëpunimi me Kinën duhet të përforcohet sepse e tërë Evropa është këtu”, tha kryetarja e Këshillit të Kumanovës.
Në Forumin e prefektëve disa qytete nga vendet e EQL nënshkruan marrëveshje për vëllazërim me disa qytete nga Kina. Qyteti kroat i Rijekës do të bashkëpunojë me Ningbo, Novi Sadi me Hfe, qyteti boshnjak Llaktashu me Jepae, përderisa komuna hungareze Kishkunfelexhhaza me Xhoshuen.
Në kuadër të Panairit të katërt të Kinës me vendet nga EQL sot mbahen një sërë takimesh për bujqësi, për doganat, për tregti dhe të tjera.
