Shkup, 3 qershor – Ministrja e Arsimit dhe Shkencës Vesna Janevska sot në Fakultetin e Makinerisë në Shkup, do të takohet me një grup prej rreth 60 studentë dhe profesorë nga kampusi i Universitetit Shtetëror Dual Baden-Virtemberg në Manhajm, të cilët ndodhen për një vizitë studimore në Maqedoni.
“Universiteti Dual Shtetëror Baden-Virtembergut është një institucion udhëheqës gjerman për arsim dual, me një rrjet prej 9 kampusesh me mbi 35,000 studentë. Kampusi i Manhajmit është i dyti më i madh me 6,000 studentë në mbi 45 programe studimore dhe 2,000 kompani si partnerë në procesin arsimor. Universiteti u themelua në vitin 1974”, njoftuan nga MASH-i.
