Librazhd, 15 shkurt – Në aksident i rëndë ka ndodhur mbrëmë në aksin Përrenjas-Librazhd pak pas mesnatës, ku pranë fshatit Pishkash janë përplasur një veturë dhe një kamion me targa maqedonase.
Mjeti tip Benz me drejtues 34-vjeçarin shtetasin Zef Sinani është përplasur papritur me kamionin dhe si pasojë vajza e re që udhëtonte me të ka humbur jetën në vend. E ndjera raportohet se ishte e fejuara e drejtuesit.
Zyrtarët e policisë thanë se i plagosuri është transportuar në gjendje serioze fillimisht në spitalin e Librazhdit dhe më pas në Spitalin Rajonal të Elbasanit.
Trupi i viktimës është transportuar në morgun e Elbasanit ndërsa ende nuk dihen shkaqet e aksidentit.
Zyrtarët që po hetojnë ngjarjen dyshojnët se shkak i aksidentit mund të ketë qenë shpejtësia tej normave të lejuara, ndërsa një kthesë e fortë në Pishkash ka qenë edhe në raste të tjera burim aksidentesh të rënda.
