Një pako e dyshimtë, shumë pranë godinës së burgut të Burrelit, ka ngritur në këmbë policinë e këtij qyteti.
Sipas të dhënave të policisë, në lulishten e lagjes “Pjetër Budi” është konstatuar një pako e vogël, e dyshuar me lëndë plasëse artizanale e paplasur.
Nga shërbimet e specializuara xheniere, po bëhet verifikimi për përmbajtjen e pakos dhe më pas heqja e saj.
Grupi hetimor në drejtimin e Prokurorisë, vijon punën për zbardhjen e plotë të rrethanave të këtij rasti, si dhe për identifikimin dhe kapjen e autorit/ëve.
