Një burrë nga New Jersey e përdori mirë pagjumësinë e tij duke luajtur World of Warcraft për më shumë se 78 orë, duke thyer kështu rekord botëror.
Bëhet e ditur se Justin O’Donnell luajti videolojën e famshme për 78 orë e 30 minuta.
Atij iu lejua një pushim prej 5 minutash çdo orë, por ai e përdori kohën e tij të pushimit për të ngrënë dhe për të luajtur me qentë e tij në vend që të flinte.
“Unë u lodha fizikisht, jo aq shumë mendërisht. Nuk vuaj nga shumë çështje tipike kur jam zgjuar për një kohë të gjatë, si letargjia dhe të dëgjoj gjëra”, tha ai për Guinness.
Maratona e tij e lojërave theu rekordin për maratonën më të gjatë të videolojërave, e cila më parë ishte 59 orë e 20 minuta.
