Shkup, 19 prill – Projeksionet pranverore për inflacionin në vend të Fondit Monetar Ndërkombëtar janë të ngjashme me pritjet e vjeshtës të Bankës Popullore, se inflacioni do të ulet këtë vit me rreth 4 për qind dhe me rreth 2 për qind vitin e ardhshëm në mesatare. Trendët janë të favorshme dhe nëse inflacioni vazhdon të ulet në përputhje me projektet, pa rreziqe të theksuara kjo do të krijojë hapësirë për ndryshim të politikës monetare në gjysmën e dytë të këtij viti, thotë guvernatorja e Bankës Popullore, Anita Angellovska- Bezhoska.
Duke folur për rritjen ekonomike, në një intervistë për Zërin e Amerikës dhënë gjatë takimeve pranverore të Fondit Monetar Ndërkombëtar dhe Bankës Botërore, ajo thotë se duke u nisur nga hapja e madhe tregtare dhe financiare e ekonomisë sonë, perspektivat për rritje këtë vit dhe vitin e ardhshëm, përveç faktorëve të vendor në masë të madhe do të varet edhe prej zhvillimeve globale.
“Sipas projeksioneve më të reja të FMN-së, ekonomia globale do të vazhdojë të rritet me një normë të qëndrueshme prej 3,2 për qind, në vitin 2024 dhe në 2025 e cila është ende pak më e mirë se pritjet e mëparshme. Në një perspektivë afatgjatë, këto ritme të rritjes ekonomike janë historikisht të ulëta, duke sugjeruar se krizat kanë lënë pasoja afatgjate për ekonominë globale. Për BE-në i cili është partneri ynë më i rëndësishëm ekonomik, pritet përshpejtim gradual i rritjes, pra nga 0,5 për qind në vitin 2023 në 0,9 për qind dhe në 1,7 për qind për këtë vit dhe për vitin e ardhshëm, por gjithsesi është më e ngadalësuar krahasuar me pritjet e mëparshme. Për ekonominë e Maqedonisë, FMN-ja për këtë vit ka bërë një revizion në rënie, gjegjësisht 2,7 për qind në krahasim me pritjet e mëparshme prej 3,2 për qind”, thotë guvernatorja Angellovska-Bezhoska.
Ajo theksoi se Banka Popullore është duke punuar në projektet makroekonomike pranverore për ekonominë tonë, të cilat do të përfshijnë të dhënat më të fundit të dispozicion. Projektet pranverore të Bankës Popullore do të publikohen gjatë muajit të ardhshëm.
Në intervistë, guvernatorja i është referuar përpjekjeve të vazhdueshme të Bankës Kombëtare për forcimin e transparencës, që, siç theksojnë nga BP-ja, ishte e njohur dhe nga anketimi i kryer nga Banka Botërore, të cilët e njohën Bankën si institucion vendas me besimin më të madh.
“Guvernatorja Angelovska-Bezhoska në intervistë flet edhe për rëndësinë e përkrahjes së ndërmarrësisë së femrës e cila mund të kontribuojë në ngritjen e rritjes ekonomike. Për këtë arsye janë edhe aktivitetet e Bankës Popullore me memorandumin e ri për mbështetjen e ndërmarrjes së grave e cila e ka lidhur së fundmi me BERZH-in”, thuhet në kumtesën e Bankës Popullore.
Me këtë projekt, Banka Popullore po zgjeron sferën e aktiviteteve të saj në këtë fushë dhe si udhëheqëse e projektit do të punojë së bashku me sektorin publik dhe privat për të rritur përfshirjen financiare të grave, që do të kontribuojë në hapjen e vendeve të reja të biznesit dhe vendet e punës dhe për të nxitur rritjen ekonomike.
