Jetojmë në një kohë kur gjithçka rrotullohet rreth idesë së të qenit mirë. Jo vetëm shëndetshëm, por edhe emocionalisht të balancuar, të lumtur, të motivuar – të paktën në dukje.
Ka një lloj presioni të heshtur për të qenë gjithmonë funksional, për të mos u ndalur gjatë në ndjesi të pakëndshme, për të mos u dukur “jashtë loje”. Në këtë realitet, dhimbja bëhet e papërshtatshme. Trishtimi kthehet në problem që duhet zgjidhur sa më shpejtë, ndërsa emocionet e fortë, pavarësisht çfarë fshihet pas tyre, ngatërrohen lehtë me krizën apo dështimin personal.
Në episodin e radhës të Apostrof-it, flasim me Dr. Neli Demin pikërisht për këtë ngërç modern: për mënyrën si i përjetojmë ndjenjat, si i lexojmë sinjalet e brendshme, dhe çfarë ndodh kur dhimbja — emocionale apo fizike — shtypet, në vend që të kuptohet.
Për më shumë informacion rreth përmbajtjes së episodit të ri të Apostrof nga Bjorn Runa ndiqni trailerin.
