Shkup, 7 maj – Komisioni Evropian u bën thirrje Indisë dhe Pakistanit për de-eskalim të dhunës më të madhe në 20 vitet e fundit midis dy fuqive bërthamore.
“U bëjmë thirrje të dyja palëve të tregojnë përmbajtje dhe të marrin masa urgjente për uljen e tensioneve”, deklaroi zëdhënësi i KE-së, Anuar el-Anuni.
Ndërkohë, Ministria gjermane e Punëve të Jashtme kumtoi se është në kontakt me të dyja palët dhe se po formon një grup krize “për të monitoruar nga afër situatën”.
Më parë, shefi i diplomacisë britanike, Dejvid Dalmi theksoi se Londra u bëri thirrje Nju Delhit dhe Islamabadit në “dialog të drejtpërdrejtë për të gjetur një zgjidhje të shpejtë dhe diplomatike”.
“Ua kam bërë të qartë kolegëve të mi nga India dhe Pakistani se nëse ka përshkallëzim të mëtejshëm, askush nuk do të fitojë. Britania e Madhe e ka dënuar pa mëdyshje sulmin e tmerrshëm terrorist në Pahalgam muajin e kaluar. Tani është thelbësore që të gjitha palët të bashkëpunojnë urgjentisht për të rivendosur stabilitetin në rajon dhe për të mbrojtur civilët.”y
Më parë për përmbajtje bënë thirrje OKB-ja, Rusia dhe SHBA-ja.
Sipas informacioneve të fundit, 15 persona u vranë dhe 43 u plagosën në sulmin e mbrëmshëm pakistanez. Ndërsa në sulmet e djeshme indiane u vranë 26 persona, ndërsa 46 u plagosën. l
