Prokuroria Themelore e Prishtinës sot ka paraqitur kërkesën për caktimin e paraburgimit për njërin nga administratorët e grupit “Albkings”, i cili është ndaluar të mërkurën.
Personi për të cilin prokuroria po pretendon se është njëri nga administratorët e grupit në Telegram ‘AlbKings’, pas përfundimit të seancës për caktimin e paraburgimit tenton t’i shmanget kamerës së KALLXO.com.
Kallxo.com ka publikuar fotografi të të dyshuarit, i cili është arrestuar një ditë më parë.
Ndryshe, në grupin “Albkings” në rrjetin social Telegram bëhej shpërndarja e fotografive dhe videove të ndryshme intime të femrave në aplikacionin e lartcekur, përfshirë edhe të dhënat personale të tyre për ofrimin e shërbimeve seksuale.
Sipas saj, ky grup numëronte rreth 100 mijë përdorues të cilët e shfrytëzonin si platformë për denigrim, shantazh, kërcënim, shpifje, abuzim ndaj vajzave dhe grave.
