Shkup, 24 shkurt – Në një takim zyrtar të zhvilluar në Shkup, deputeti PD-së në Shqipêri Klevis Balliu dhe Kryetari i Parlamentit të Maqedonisë së Veriut, Z. Afrim Gashi, kanë konfirmuar nevojën e një angazhimi të përbashkët politik për të ardhmen evropiane të rajonit.
Gjatë bisedës, u theksua se integrimi i Maqedonisë së Veriut në familjen e madhe evropiane kërkon një rol udhëheqës dhe aktiv të shqiptarëve, si një faktor kyç për stabilitetin dhe progresin demokratik. Deputeti Balliu vuri në dukje se, përtej çdo rrethanë apo dallimi politik, të gjithë faktorët shqiptarë qëndrojnë të bashkuar rreth vizionit të tyre të përbashkët perëndimor.
Ky takim rikonfirmoi se orientimi euro-atlantik mbetet prioriteti absolut, duke dëshmuar se kur shqiptarët bashkohen rreth vlerave evropiane, ata shndërrohen në garantuesit kryesorë të paqes dhe prosperitetit në mbarë rajonin.
