Japin dorëheqjen 5 administratorët e njësive, 2 nënkryetarët dhe drejtuesit e drejtorive në bashkinë e Krujës.
Administratorët e njësive administrative Fushë Krujë, Cudhi, Thumanë, Bubq dhe Nikël, dy nënkryetarët dhe drejtuesit e drejtorive, kanë paraqitur dorëheqjet e tyre tek kryetari i Bashkisë Krujë, Artur Bushi.
Përmes këtij procesi do të vlerësohet performanca në punë e secilit, nga një grup pune që kryesohet nga Kryetari i Bashkisë.
Pas urdhrit të Kryeministrit Rama, këtë të martë edhe në Bashkinë e Bulqizës kanë dhënë dorëheqjen 8 Administratorë të njësive përfshirë edhe qytetit.
Ndërkohë dorëheqjen kanë dhënë edhe dy Nënkryetarët si dhe drejtorët e drejtorive që i përkasin bashkisë.
Në Bashkinë Klos kanë dhënë dorëheqjen 4 Administratorët dhe Nënkryetari.
Procesi i dorëheqjes së administratorëve të nënkryetarëve dhe drejtorëve vijon edhe në Bashkinë Dibër.
Në bashinë Mat kanë dhënë dorëheqjen 8 Administratorët e njësive si dhe një Nënkryetar, pasi Nënkryetari tjetër pason detyrën e kryetarit të Bashkisë pas dorëheqjes së ish kryetarit Agron Malaj i cili kandidoi për deputet në zgjedhjet e 11 majit.
Nuk ka shkarkime sa i përket drejtorëve pasi në vjeshtë Bashkia Mat do të ketë zgjedhje të parakohshme për zgjedhje të kryetarit të ri për Bashki.
Po ashtu, pas dorëheqjes së 9 administratorëve të bashkisë Gramsh dje, sot kanë dhënë dorëheqjet të gjithë drejtorët e bashkisë dhe përgjegjësit në varësi të tyre.
Sa i përket nënkryetarëve, njëra është e sapo emëruar, një muaj në detyrë, ndërsa nënkryetari tjetër është në prag pensioni.
