Gjesti, një nga konkurrentët më të diskutuar të Big Brother VIP Albania, ka shkaktuar një valë reagimesh në rrjetet sociale pas një momenti surprizues brenda shtëpisë.
Në një video që po qarkullon gjerësisht, Gjesti shihet i vetëm duke thënë emrin e një vajze, Djellza, dhe duke shtuar: “Kingi shumë shpejt vjen, fale kingin se kingi ka për të kryer disa punë”.
Kjo deklaratë ka habitur shumë fansa, duke nxitur spekulime dhe komente të shumta.
Arsyeja e reagimeve të forta është se Gjesti fillimisht krijoi një lidhje romantike në Big Brother VIP Kosova, e më pas, sapo hyri në Big Brother VIP Albania, u afrua me konkurrenten Egli.
Përmendja e një ish-të dashure, ndërkohë që ai ndodhet në një tjetër situatë romantike, ka ngjallur dyshime mbi ndjenjat dhe qëllimet e tij.
Videoja është bërë virale në rrjete sociale, duke nxitur diskutime midis fansave dhe ndjekësve të programit.
Disa po e kritikojnë Gjestin për paqëndrueshmëri në marrëdhënie, ndërsa të tjerë po spekulojnë për të kaluarën e tij me Djellzën.
Situata është bërë një nga temat më të nxehta të momentit dhe pritet që Gjesti të japë shpjegime në vijim.
