Shkup, 22 shkurt – Besa Ademi dhe Afrim Fidani janë dy gjykatësit suprem të cilët janë paraqitur në konkursin për kryetar të Gjykatës Supreme. Ademi synon edhe një mandat, ndërsa Fidani synon të vjen në krye të hierarkisë gjyqësorë falë mbështetjes që pretendon se e gëzon nga gjykatës të caktuar.
Kandidatura e Besa Ademit vjen pas një mandati ku ajo u ballafaqua me presione, kërcënime dhe iniciativa për shkarkim. Këshilli Gjyqësorë, anëtare e të cilit organ është edhe Ademi kishte ngritur procedurë për vërtetimin e përgjegjësisë ndaj saj vetëm për faktin se ajo nuk refuzoi që përmes qëndrimit parimor të kthen në fuqi abolimin e ish presidentit Gjorge Ivanov nga viti 2016, veprim ky që ish kryeministrit Nikolla Gruevski do t’i pastronte dosjen penale dhe do t’i mundësonte kthimin në shtet.
Për qëndrimin e saj, Ademi mori edhe mbështetjen e ambasadores amerikane Angela Aggeler, ndërsa për transparencën e treguar me opinionin, Ademi mori mbështetje edhe nga misioni vlerësues i BE-së në raportin e të cilëve është konstatuar se transparenca në këtë gjykatës dhe jo vetëm është rekomandimi kyç për të cilin duhet punuar shumë. Emri i saj u lakua edhe në takimin mes ambasadorit të Holandës dhe kreut të BDI-së, Ali Ahetmi të cilit ju tha në mënyrë të prerën që të mos i fus duart në Gjykatën Supreme.
Besa Ademi karrierën e saj e ka filluar si bashkëpunëtore profesionale ndërsa më pas zëvendëse e Avokatit të Popullit. Në vitin 2004 u zgjodh gjykatëse në Apel ndërsa më pas në Supreme. 13 vite më vonë, në vitin 2021 u zgjodh kryetare e Supremes.
Gjykatësi Afrim Fidani karrierën e tij si gjykatës e ka filluar në vitin 2011 duke u zgjedhur drejtpërdrejtë në Apel. Paraprakisht kishte punuar si avokat. Në viti 2017 u zgjodh gjykatës në Supreme. Fidani ishte pjesë e trupit gjykues në lëndën “ryshfeti” kundër ish kryeministrit Zoran Zaev.
