Zyrtarët kinezë janë në bisedime paraprake rreth një opsioni të mundshëm për t’i shitur operacionet e TikTok në Shtetet e Bashkuara miliarderit Elon Musk, nëse aplikacioni i videove të shkurtra nuk është në gjendje të shmangë një ndalim të afërt, raportoi të hënën Bloomberg.
Zyrtarët e Pekinit preferojnë që TikTok të mbetet nën kontrollin e mëmë Bytedance, thuhet në raport, duke cituar burime, transmeton Telegrafi.
Operacionet e TikTok në SHBA mund të shiten ose përmes një procesi konkurrues ose një marrëveshje nga qeveria, thuhet në raport, duke sugjeruar që e ardhmja e aplikacionit nuk është më vetëm në kontrollin e ByteDance
Qeveria e Kinës ka një “pjesë të artë” në ByteDance, për të cilën disa anëtarë të Kongresit kanë thënë se i jep qeverisë pushtet mbi Tiktok.
Zyrtarët nuk kanë arritur ende një konsensus se si të procedohet, sipas Bloomberg.
“Nuk mund të pritet që të komentojmë për trillimet e pastërta”, tha një zëdhënës i TikTok, duke iu përgjigjur raportit.
Mbetet e paqartë se sa është në dijeni ByteDance për diskutimet, apo për përfshirjen e Musk dhe TikTok, dhe nuk ka asnjë informacion nëse ByteDance, TikTok dhe Musk janë angazhuar në ndonjë bisedë në lidhje me një marrëveshje të mundshme.
TikTok ka thënë më parë se aksionet e qeverisë “nuk ka asnjë ndikim në operacionet globale të ByteDance jashtë Kinës, duke përfshirë TikTok”.
