Shkup, 8 mars – Zëvendësministri plotësues i Punëve të Brendshme Mitko Bojmacaliev sot (03.08.2024) vizitoi pjesëtarët e Departamentit të Operacioneve Speciale të Policisë – Njësisë Speciale Antiterroriste TIGRI dhe Njësisë për Renditje të Shpejtë dhe me rastin e Ditës Ndërkombëtare të Gruas – 8 Marsit, gjatë së cilës ka uruar festën me lule në shenjë respekti dhe mirënjohjeje për përkushtimin në shërbim.
“Si një vend i përparuar dhe progresiv, ne përpiqemi për barazi të plotë mes gjinive. “Përveçse ne duhet të krijojmë kushte që gratë të mund të aplikojnë në mënyrë të barabartë për punë në shërbimin policor, ne duhet të punojmë së bashku për të eliminuar kushtet që i pengojnë gratë të zgjedhin sigurinë si profesion të tyre,” theksoi Bojmacaliev. Ai tha se në vitet e kaluara MPB-ja ka bërë progres në drejtim të avancimit të të drejtave të grave.
“Vitet e kaluara është bërë progres i dukshëm në MPB, janë ndërmarrë hapa konkretë në krijimin e grave ekonomikisht të forta dhe të pavarura – rritje e numrit të grave në poste drejtuese (raporti 50-50) si dhe në njësitë speciale të policisë, në NJSAT dhe NJRSH TIGRI. Përveç që kemi barazi në vendime, me Marrëveshjen e re Kolektive në MPB, gratë në polici mbështeten si nëna, me kompensim monetar prej 100 euro në kundërvlerë në denarë”, tha Bojmacaliev, duke shtuar se qëllimi është krijimi i punonjësve të policisë të kënaqur që punojnë për një shoqëri më të mirë për të gjithë, për të përshpejtuar progresin dhe për të mundësuar potencialin inovativ të grave që të jenë shtytëse të ndryshimeve.
