Shkup, 17 dhjetor – Partitë politike si grupe njerëzish që kanë një qëllim të përbashkët përmirësimin e gjendjes kolektive, kanë për obligim edhe moral por edhe ligjor që të jenë transparent për sa i përket burimeve të financimit. Kjo çështje është mjaft delikate e për këtë për fat të keq shumë pak interesohet publiku i gjerë, ky konstatim vjen pikërisht si pasojë e mos presionit kolektiv. Pra, partitë politike disi janë komod në aspektin financiar, edhe përkundër obligimit ligjor që duhet të dorëzojnë raporte të rregullta financiare. Por, megjithatë sërish ekziston hapësira për manipulim në ato raporte. Kur do të dihet nga financohen partitë politike kuptohet qartësisht se çfarë “melodi” dëgjojnë këto parti, shkruan Zhurnal.
Alternativa është njëra prej partive politike më transparente në Republikën e Maqedonisë së Veriut –
Në kuadër të konferencës “Transparenca e partive politike” të organizuar nga WFD Western Balkans dhe British Embassy Skopje u prezantuan edhe rezultatet e analizës të realizuar nga Forumi për politika të arsyeshme, dhe rezulton që Alternativa ka arritur përparim të dukshëm në të gjitha segmentet e analizës.
Hulumtimi i fundit i PPTI-së, rezultatet e të cilit janë paraqitur në këtë Raport, është bërë në periudhën qershor-nëntor të vitit 2024. Në këtë hulumtim janë përfshirë tetë parti politike nga Maqedonia e Veriut: Alternativa, Aleanca për Shqiptarët (krahu i Zijadin Selës dhe krahu i Arben Taravarit), Besa, VMRO-DPMNE, Bashkimi Demokratik për Integrim (BDI), Partia liberal demokrate (PLD), Partia e re socialdemokrate (PRSD) dhe Lidhja socialdemokrate e Maqedonisë (LSDM).
Dy parti/lëvizje të reja politike (ZNAM dhe Lëvizja Demokratike) u përfshinë në hulumtim dhe në aktivitetet e mentorimit të organizuara nga WFD, edhe pse këtë vit matja e këtyre dy partive është lënë për shkak se treguesit që maten kërkojnë një qasje më afatgjatë.
Në vitin 2024, Alternativa arrin një përparim të dukshëm në disa segmente, veçanërisht në transparencën financiare, ku vihet re një nivel i lartë i përputhjes me standardet ligjore dhe disponueshmëria e përmirësuar e informacioneve financiare. Në fushën e demokracisë brendapartiake, partia tregon përkushtim për përforcimin e autonomisë së degëve dhe përmirësimin e jetës partiake, por sfidat mbeten të lidhura me barazinë gjinore dhe zhvillimin e strukturave horizontale. Në segmentin e disponueshmërisë për publikun, nga ana tjetër, performanca është përmirësuar dukshëm, por me hapësirë për korrigjime të mëtejshme, veçanërisht për sa i përket versioneve gjuhësore, si dhe përshtatjeve për personat me nevoja të veçanta.
Kush është Alternativa, tashmë partia më transparente në vend?
Alternativa është parti politike e cila në spektrin ideologjik përcaktohet si subjekt i qendrës së djathtë. Identiteti i saj, më saktë, përshkruhet edhe përmes tri nocioneve: Autentike– është subjekt atipik, që profilin e vet e ka ndërtuar konform nevojave të shqiptarëve të Maqedonisë së Veriut; Autoktone– është krijuar nga kapacitetet vendore shqiptare në Maqedoninë e Veriut dhe Autonome – është subjekt në vete dhe i pavarur nga çdo ndikim i brendshëm ose i jashtëm, ndonëse i hapur për komunikim dhe bashkëpunim.
Alternativa është themeluar që ta ruajë dhe kultivojë kulturën, traditën dhe vlerat tradicionale të shqiptarëve, por edhe që të kontribuojë në krijimin dhe zhvillimin e një shoqërie të virtytshme në Republikën e Maqedonisë së Veriut. Alternativa mëton që, përmes zgjedhjeve të përgjithshme dhe lokale, të etablohet në 6 skenën politike dhe konform besimit që merr nga votuesit t’i respektojë dhe promovojë vlerat e lirisë, barazisë e drejtësisë në vendin tonë.
Kujtojmë që, Alternativa si subjekt politik erdhi pas përçarjes që ndodhi në Lëvizjen Besa, parti politike e themeluar nga një grup miqsh, që pas katër viteve pati pakënaqësi të brendshme e cila rezultoi me themelimin e Alternatives. Ndërkaq, sot kjo parti si pjesë e koalicionit më të madh shqiptarë, VLEN, janë pjesë e pushtetit.
Transparenca është vlerë e pakontestueshme –
Kjo i shërben edhe partive politike edhe qytetarëve, për të dëshmuar e vërteta reale që ka peshë të rëndësishme se kush realizon më shumë donacione dhe në cilat parti politike. Pasi përmes kësaj i mund të detektohen edhe lidhjet e bizneseve me partitë politike, përmes kësaj rrënohen paragjykimet që parti politike brenda vendit financohen nga Turqia, Irani, Rusia e të tjera.
Pasi shumë prej politikanëve tanë këto akuza i kanë në maje të gjuhës duke pretenduar se rrënohet kundërshtari nëse “shpifim” për sa i përket anës financiare. Ta zëmë se një shtet i huaj po financon dhe ka krijuar një parti politike, tani është momenti adekuat që këta financues të rregullt të partive politike të bëjnë donacione.
Gjatë fushatave partitë kanë nevojë për shifra të lartë të financave për shkak të koordinimit të fushatës për të depërtuar në shtëpinë e secilit qytetarët. Për të organizuar fushatë mbresëlënëse dhe evropiane nuk do mend që duhen financa të larta. Tani se kush prej kandidatëve apo partive po e bënë fushatën më të mirë kuptohet edhe nga fakti se sa investojnë në fushata. Për të investuar shumë duhet që pas këtyre partive të ekzistojnë donacione të fuqishme e kjo do të kuptohet pasi të publikohen raportet. /Zhurnal.mk
