Shkup, 25 qershor, Zhurnal.mk – Kryetari i Komunës së Haraçinës, Daut Beqiri, ka njoftuar se sot është mbajtur mbledhja e Këshillit Preventiv së bashku me përfaqësues të SPB-Shkupit, ku është diskutuar për gjendjen e sigurisë në komunë dhe aktivitetet që do të ndërmerren për rritjen e sigurisë së qytetarëve.
Sipas Beqirit, në takim është arritur dakordim për forcimin e angazhimit institucional dhe ndërmarrjen e veprimeve parandaluese për mbrojtjen nga zjarret, me qëllim garantimin e sigurisë së qytetarëve dhe ruajtjen e hapësirave publike.
Ai theksoi se bashkëpunimi i ngushtë ndërinstitucional mbetet faktor kyç në parandalimin e rreziqeve dhe në krijimin e një mjedisi më të sigurt për të gjithë qytetarët e Haraçinës.
