Shkup, 3 prill – Në Kuvend sot është caktuar seanca e 41-të, së cilës do t’i paraprijnë pyetjet e opozitës, instrument i cili filloi me zbatimin e Rregullores së re, që u përputh me mandatin e deputetëve aktualë. Në dy orët e para, deputetët e opozitës do t’u parashtrojnë pyetje kryeministrit, ministrave dhe personave tjerë të emëruar dhe të zgjedhur.
Në rendin e ditës së seancës së 41-të janë ratifikimi i Protokollit për ndryshimin dhe plotësimin e Konventës për veprat penale dhe disa akte tjera të kryera në mjete fluturuese, të Protokollit për plotësimin e Konventës për luftimin errëmbimit të paligjshëm të mjeteve fluturuese, të Konventës për parandalimin e veprimeve të paligjshme në lidhje me aviacionin civil ndërkombëtare dhe të Protokollit fakultativ të konventës për të drejtat e fëmijëve për procedurën për parashtresa dhe të Konventës për vlerësimin e ndikimit mbi mjedisin jetësor në kontekstin tejkufitar të miratuar në Sofje më 27 shkurt 2001 dhe ndryshimit të dytë të Konventës për vlerësimin e ndikimit mbi mjedisin jetësor në kontekstin tejkufitar të miratuar në Cavtat më 4 qershor 2004.
Pritet Kuvendi ta miratojë Propozimin e ligjit për ndryshimin dhe plotësimin e Ligjit për infrastrukturën kombëtare të të dhënave hapësinore të Republikës së Maqedonisë së Veriut – në lexim të dytë. Deputetët do të diskutojnë edhe për ndryshimet në Ligjin për marrëdhëniet e punës dhe ligjin për rrugët publike, me procedurë të shkurtuar, si dhe për ndryshimet e Ligjit për sigurimin vullnetar pensional me financim kapital, të Ligjit për punësimin dhe punën e të huajve, të Ligjit për Këshillin evropian të punëtorëve, Ligjit për të dhënat në fushën e punës, ndryshimet dhe plotësimet e Ligjit për ndërtime, Ligjit për menaxhimin e pasurisë së konfiskuar, të përfitimit dhe lëndët e sekuestruara në procedurat penale dhe kundërvajtëse(*), propozim i ligjit për angazhimin e personave, propozim ligji për rehabilitimin e Republikës së Maqedonisë së Veriut, raportet vjetore për punën e Komisionit për mbikëqyrjen mbi zbatimin e masave për vëzhgimin e komunikimeve në vitin 2024 dhe për punën e Agjencisë operative-teknike për vitin 2024, të gjitha në lexim të parë.
