Shkup, 11 djetor – Dëshmitari Goce Trajkovski në rastin me vrasjen e Vanja Gjorqevskës dhe Pançe Zhezoskit dyshohet për një vepër tjetër penale dhe për momentin nuk është i kapshëm për organet e rendit, informoi Prokuroria.
Në brifingun me media në Prokurorinë Themelore Publike, është theksuar se ai dyshohet për djegien e një objhekti në Kisella Vodë, në të cilin në katin e sipërm ka pasur banorë. Është indikative se ngjarja për të cilin dyshohet është disa ditë para deklaratës së është duke i dhimbur koka për dhënie të deklaratës para Gjykatës.
Shefi i PTHP Shkup, Gavrill Bubeski, sot theksoi se dy persona, bashkëkryerës të veprës, për të cilin dyshohet Goce janë në paraburgim, ndërsa ai për momentin nuk është i kapshëm për zbulim dhe përndjekje.
“Ligji për procedurë penale parashikon lexim të deklaratës të dhënë në procedurë hetuese nëse personi nuk është i kapshëm për organet e përndjekjes. Domethënë se ai kërkohet dhe nuk do të thotë se do të jetë kështu. Mund të kapet në moment dhe të japë deklaratë në procedurën për të cilën është dëshmitar. Por, kjo mundësi ekziston dhe është e parashikuar në Ligjin për procedurë penale që deklarata e tij e dhënë në hetim të lexohet në debatin kryesor”, theksoi Bubeski.
Për rastin për të cilin kërkohet Goce Trajanovski, në faqen e PTHP Shkup është publikuar, se ka ndodhur më 13 nëntor rreth orës 3 të mëngjesit, me ç’rast është përfshirë nga zjarri një kafene në rrugën “Hristo Tatarçev” në Kisella Vodë.
Lidhur me atë se si Goce Trajkovski si person privat shëtit nëpër qytet dhe mbledh filmime për rastin, prokurori kompetent tha se nuk janë thirrur për t’u përgjigjur, duke treguar se pamjet janë siguruar në mënyrë të ligjshme, me urdhër nga Ministria e Punëve të Brendshme.
“Ajo është pjesa për të cilën mund të flasim dhe nuk mund të përgjigjemi se kush ia ka dhënë regjistrimet personit fizik”, thekson Prokuroria.
Objekt i aktakuzës, ka treguar prokurori kompetent, janë veprimet që të pandehurit kanë kryer dhe pasojat e dëmshme, të cilat janë përshkruar dhe janë barrë e provës për Prokurorinë.
“Është e vërtetë që tani për tani është temë edhe pjesa me favorizim, por meqenëse Prokuroria ka nisur ta dëshmojë këtë pjesë si element të veprës penale, të bëjmë durim dhe të shohim deri në fund të procesit gjyqësor nëse do mund ta vërtetojmë. Duke qenë se ne kemi ngritur një akuzë të tillë, Prokuroria beson se do të ketë prova të mjaftueshme”, deklaroi prokurorja.
Seanca e radhës për rastin e vrasjes së Vanjës dhe Pançes është caktuar për më 16 dhjetor. Goce Trajkovski, i cili është propozuar nga Prokuroria në këtë rast, sipas deklaratave të dëshmitarëve të tjerë, së bashku me babain e Vanjës kanë mbledhur dhe parë video xhirime nga objektet përreth.
