Dështoi seanca e 14-të konstituive e Kuvendit të Kosovës për të 14 herë.
Kryesuesi i seancës, Avni Dehari i LVV-së, sërish ftojë partitë politike që të propozojnë anëtarët e komisionit për votim të fshehtë, gjë që opozita nuk e bëri. Ndërkohë, pasi është hedhur në votim ky komision, gjë që mori votat e 54 deputetëve, kundër asnjë.
Seanca e radhës do të mbahet më 13 maj në ora 10:00.
Seanca konstituive e Kuvendit të Kosovës ka nisur më 15 prill dhe procesi ka ngecur te zgjedhja e kryeparlamentarit pasi LVV-ja, në koalicion me Guxo dhe Alternativa, nuk po arrin të sigurojë 61 votat e nevojshme për kandidaten e tyre, Albulena Haxhiu.
