Shkup, 28 janar – Sot pata kënaqësinë të mirëpres zëvendësambasadorin e Gjermanisë, z. Jan Aksel Fos, në ambientet e MEPSO-s.
Gjatë këtij takimi të rëndësishëm, diskutuam për projektet strategjike që po zhvillohen në sistemin e transmetimit, si integrimi i burimeve të ripërtëritshme të energjisë, planet për zhvillimin e ardhshëm të sistemit dhe prioritetet tona kryesore: investimet, stabilitetin dhe qëndrueshmërinë.
Një fokus i veçantë iu kushtua projektit të linjës interkonektive të transmetimit me Republikën e Shqipërisë dhe modernizimit të rrjetit të transmetimit. Ky projekt mbetet një nga prioritetet tona kryesore për të siguruar një sistem elektrotransmetues të qëndrueshëm dhe bashkëkohor.
Gjatë bisedës, theksova se vetëm me punë të përkushtuar dhe qasje të përgjegjshme mund të arrijmë rezultate që garantojnë stabilitet dhe modernizim për rrjetin tonë.
MEPSO mbetet e përkushtuar në realizimin e projekteve strategjike që sigurojnë zhvillim të qëndrueshëm dhe një të ardhme më të mirë për sektorin energjetik në vendin tonë.
