Shkup, 4 prill argument.mk/ – Kriza që po vjen nuk do të jetë afatshkurtër – ajo do të ndryshojë mënyrën se si jetojmë, paralajmëron ekonomisti Zoran Jovanovski.
Përveç rritjes së çmimeve, është e mundur edhe kufizimi i disponueshmërisë së karburanteve, gjë që hap hapësirë për masa si vozitja tek-çift dhe orientimi i burimeve drejt prodhimit të ushqimit.
Këtë e theksoi Jovanovski në paraqitjen e djeshme në emisionin “Tema e Ditës”, në lajmet e Sitel. Ai potencoi se të gjithë duhet ta kuptojmë që pasojat e krizës do të jenë afatgjata.
Përveç rritjes së çmimeve të naftës, mund të bëhet problem edhe vetë disponueshmëria e saj. Ai thotë se, sa më shumë që të jetë e mundur, duhet të kursehet karburanti që kemi aktualisht.
Ndoshta duhet të mendohet për vozitje tek-çift, të rritet puna nga shtëpia etj., që kur të jetë e nevojshme, karburanti të ridrejtohet drejt bujqësisë për prodhimin e ushqimit – thotë Jovanovski.
Sipas tij, gjëja më e rëndësishme në këtë moment është që të mos rrezikojmë të ardhmen e gjeneratave të reja, vetëm për të ruajtur komoditetin e të tjerëve.
Duhet të kuptojmë se secili prej nesh në këtë proces duhet të marrë një pjesë të barrës. Thjesht, jeta do të bëhet më e vështirë derisa të zgjasë kriza dhe këtë duhet ta pranojmë – përfundon Jovanovski.
