Shkup, 23 janar – Për shkak të mjegullës, dukshmëri të ulur prej 50 deri 100 metra ka në qafën malore Stracin, Manastir, Prilep, Makedonski Brod, Koçan, Dellçevë, Strumicë dhe Petrovec, njoftoi LAMM.
Komunikacioni në rrugët e tjera në shtet zhvillohet në kushte dimërore, nëpër rrugë kryesisht të lagështa. Intensiteti i komunikacionit në akset rrugore jashtë mjediseve urbane është mesatar. Në vendkalimet kufitare nga ana e Maqedonisë nuk ka vonesa të gjata për hyrje dhe dalje nga shteti.
LAMM rekomandon shpejtësi të adaptuar të lëvizjes, respektimin e sinjaleve të vendosura të komunikacionit e veçanërisht drejtim të kujdesshëm të automjetit, posaçërisht në rrugët nëpër gryka malore dhe lugina të lumenjve ku ekziston mundësia e rrëshqitjes së dheut. Kjo vlen veçanërisht për akset rrugore Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Nga LAMM me përkujtim se prej datës 15.11.2024 filloi detyrimi ligjor për posedim të detyrueshëm të pajisjes dimërore në automjete, pa marrë parasysh gjendjen momentale të motit, e cila do të zgjasë deri më 15.03.2025. Aksi rrugor Ohër – Resnjë, përmes parkut kombëtar Galiçicë prej datës 15.11.2024 është i mbyllur për komunikacion për të gjitha llojet e veturave.
Në bazë të Lejes për ndryshim kohor të regjimit të komunikacionit, në rrugën magjistrale A1 segmenti Farish – Prilep vijon sanimi i gropave nga data 19.12.2024 deri në përfundimin e punëve ndërtimore, njoftojnë nga “SHPK Stenton Gradba – Manastir”.
Ura në lumin Vardar në rrugën rajonale Р1312, në fshatin Bashino është mbyllur për çdo lloj të komunikacionit.
