Një incident i papritur ndodhi mbrëmë në shtëpinë e Big Brother VIP Albania, kur Gerta, pa dashje, i hodhi alkool në sy Gjestit, duke shkaktuar shqetësim mes banorëve.
Ngjarja u diskutua më vonë në oborr nga Egli dhe Livia, të cilët u shprehën të revoltuar për atë që ndodhi.
Egli tha me tone të ashpra: “Të jetë kaq e ligë një grua? Ajo mundohet të imitojë të tjerët, por është e paaftë dhe po lë njerëz me pasoja. Uroj që këtë herë të merren masa”.
Edhe Livia shtoi: “Uroj që të merren masa, sepse kjo ishte e rëndë”.
Egli vijoi më tej duke theksuar se nëse nuk do të ketë masa, atëherë duhet të ndërhyjë ligji: “Nuk kemi ardhur këtu të qorrohemi, as të mbesim sakat, as të shahemi nga nëna e motra”.
Tani, të gjithë presin vendimin e “Vëllait të Madh” për pasojat që mund të ketë ky veprim në lojë.
