Shkup, 29 mars – Edhe sot një pjesë e pacientëve që janë të shtruar në spitalet e vendit janë lëshuar në mjekim shtëpiak. Pas takimit të Shtabit të krizës, ministri Arben Taravari, informoi se sot janë lëshuar 5 pacientë të cilët janë në gjendje të mirë shëndetësore dhe nga gjithsej 21 pacientë, në klinika mbeten edhe 16.
Ai tha se edhe jashtë shtetit mbeten 89 pacientë pasi që dy kthehen në vend, një nga Lituania dhe një nga Suedia. Ata pas arritjes në vend do të shtrihen në spitale që të kontrollohet gjendja e tyre e më pas edhe ata do të lëshohen në mjekim shtëpiak. Edhe pse pacientët që ishin në gjendje kritike, dje kishin përmirësim, Taravari informoi se përsëri sot gjendja e tyre është përkeqësuar.
Drejtorja e Klinikës për kirurgji plastike, Jasmina Pavllovska, thotë se të gjithë ata që kanë nevojë për intervenim të shenjave nga plagët, këtë mund ta bëjnë Klinikë. Njëkohësisht porositën se edhe si të sillen ata që kanë plagë të përthara nga djegiet.
Nga e hëna priten që të lëshohen në mjekim shtëpiak edhe 5 pacientë, ndërsa pritet që në vend të kthehen edhe pacientë që gjenden në mjekim jashtë vendit.
