Më 2 gusht 2027, pjesë të Evropës Jugore, Afrikës së Veriut dhe Lindjes së Mesme do të përjetojnë një prej ngjarjeve më spektakolare astronomike të shekullit. Një eklips diellor total që do të zgjasë plot 6 minuta e 23 sekonda, një kohë shumë më e gjatë se eklipset totale të zakonshme, që zakonisht zgjasin nën 3 minuta.
Gjatë eklipsit, Hëna do të mbulojë plotësisht Diellin, duke shkaktuar errësirë në mes të ditës. Ky fenomen i rrallë ndodh për shkak se Toka do të jetë në pikën më të largët nga Dielli (aphelion), gjë që e bën Diellin të duket më i vogël, ndërsa Hëna do të jetë në pikën më të afërt me Tokën (perigeum), duke bërë që hijeja e saj të qëndrojë më gjatë mbi sipërfaqen tokësore.
Eklipsi do të jetë i dukshëm nga zona të gjera, përfshirë jugun e Spanjës, veriun e Marokut, Algjerinë, Tunizinë, Libinë, Egjiptin, pjesë të Sudanit, Jemenit, Arabinë Saudite dhe Somali. Në këto vende, dielli do të errësohet plotësisht për disa minuta, një eksperiencë e jashtëzakonshme që nuk do të përsëritet për mbi një shekull.
Në Shqipëri, eklipsi do të jetë pjesërisht i dukshëm, duke ofruar një pamje të pjesshme të këtij fenomeni unik.
Astronomët rekomandojnë që për ndjekjen e eklipsit të përdoren syze speciale mbrojtëse, pasi shikimi direkt i diellit gjatë eklipsit mund të dëmtojë seriozisht sytë.
Kjo ngjarje astronomike është një mundësi unike për të admiruar mrekullinë e universit dhe për të kujtuar lidhjen tonë me kozmosin.
