Nga oxhaku i Kapelës Sistine në Vatikan, është ngritur tym i zi, kjo tregon se 133 kardinalët ende nuk kanë arritur një marrëveshje për zgjedhjen e Papës së ri.
Në raundit të parë të votimit, që u zhvillua pasditen e sotme, asnjë kandidat nuk ka arritur shumicën e nevojshme prej dy të tretash të votave një kërkesë thelbësore për t’u shpallur Papa i 267-të i Kishës Katolike Romake.
Mijëra besimtarë dhe vizitorë nga e gjithë bota, të mbledhur në shesh, panë tymnajën tradicionale të nxjerrë tym të zi, simbol i mungesës së një vendimi.
Sipas procedurës tradicionale, nga dita e nesërme do të zhvillohen deri në katër votime në ditë dy paradite dhe dy pasdite derisa të arrihet shumica e cilësuar prej dy të tretash e votave.
Ndërkohë, Sheshi i Shën Pjetrit mbetet i mbushur me pelegrinë dhe vizitorë që presin me padurim sinjalin e bardhë që do të shpallë Papën e ri.
