Shkup, 25 shkurt – Ambasadori i Bashkimit Evropian në vendin tonë Mihalis Rokas, sot do ta vizitojë Komunën e Prilepit si pjesë e nismës për informimin e opinionit, për afrimin e BE-së dhe procesin e integrimit të vendit në bashkësitë lokale.
Vizita do të fillojë me takimin mes ambasadorit Rokas dhe kryetarit të komunës Dejan Prodanoski, pastaj do të mbajë takim me anëtarët e këshillit të komunës. Në fokus të bisedave do të jenë përfitimet e inkuadrimit në BE, si dhe ndikimi konkret i mbështetjes së BE-së ndaj jetës së përditshme në rajon.
Në kuadër të vizitës, ambasadori Rokas do të realizojë takime edhe me përfaqësuesit e shoqërisë civile dhe Këshillit Rinor në Komunën e Prilepit.
