Ohër, 10 korrik – Ambasadori i Bashkimit Evropian në vend, Mihalis Rokas, sot ka qëndruar për vizitë zyrtare në Komunën e Ohrit, ku ka realizuar takim me kryetari e Komunës, Kiril Pecakov dhe me anëtarët e Këshillit të Komunës.
Rokas para mediave pas takimit tha se me Pecakovin ka biseduar për projekte që së bashku i realizojnë Komuna dhe BE-ja, duke shprehu kënaqësinë nga mënyra e implementimit të tyre dhe bashkëpunimi i mirë me autoritetet lokale.
“Biseduam edhe për sfidat me të cilat përballet Komuna, si dhe për çështjen e UNESKO-s, por edhe për projektet e mëdha infrastrukturore si “Korridori 8″, dhe shumë projekte të tjera që po realizohen në terren. Biseduam edhe për planet e Komunës për ndërtimin e parkingjeve, hapësirave të gjelbra, menaxhimin e mbetjeve të ngurta dhe trajtimin e ujërave të ndotura… Në zhvillim janë shumë aktivitete, biseduam edhe për disa sfida të karakterit globale. Ajo që dua të theksoj është se Ohri është një gur i çmuar, ndërsa të gjithë aktorët, të gjithë kryetarët e komunave që janë pjesë e këtij rajoni dhe të dy vendet, duhet të punojnë së bashku për një status më të mirë për rajonin e Ohrit në të ardhmen”, tha Rokas.
Kryetari i Komunës Pecakov nga ana e tij tha se në takim i prezantoi projektet e realizuara gjatë periudhës së kaluar, sfidat me të cilat përballet komuna, projektet e planifikuara për Ohrin dhe vizinon për Ohrin në të ardhmen.
“Biseduam edhe për të gjitha çështjet që lidhen me rekomandimet nga UNESKO, si temë që është aktuale për momentin. Sigurisht se bashkëpunimi i mirë të cilën deri tani e kemi si komunë me BE-në, jo vetëm përmes projekteve, por edhe për gjithçka që do të thotë mbështetje për Komunën dhe shtetin do të vazhdojë edhe në të ardhmen”, tha Pecakov.
